Mera Motapa!..

Mai mota hoo raha hoo, mera pet bahar nikalne laga hai, gaal folne lage hai..bahut dino se iss baat ko juthla raha tha, par ab jaanta hoo isse bada sach koi nahi duniya me..

Bahut bahane bana liye ki mai mota kyun hoo raha hoo. Sach to ye hai ki mai atram patram khaata hoo aur dher saara khaata hoo.

Excercise to mere hisab se Hitler ne hi banaya hoga, kyunki insaan ke liye aisi dukhdayak cheez nahi dekhi maine. Mai maanta ho ki meri ye problem hai ki mai exercise nahi kar sakta, par kehte hai na problem maan lo to adha kaam hoo jaata hai..to mai maanta ho ki mujhe problem hai exercise karne me..

Pata hai badte hue motape se ladna kina difficult hota hai..Aisa lagta hai jaise apni hi body se dusmani mol li hoo.. :(

Maine toh boss sab try karke dekh liya..ghaas phoos try karke dekha, fir morning walk bhi kiya..yaar mere hisab se ghar par adha pauna ghanta aur sona makes more sense na? ;-).



Excitement me ek torch-er chamber bhi join kiya..torch-er chamber, nahi samje..are matlab GYM :-P. U know 6 mahine ka advance payment bhi kar diya..kabhi kabhi jaata bhi ho..par pata nahi regularly jaane ka chance hi nahi mila :)

Ashtanga, Power Yoga, Pranayam..ye aayam woh aayam sab karke dekha...

Then Protein diet ye wali diet woh wali diet pata nahi kaun kaun si diets ki..but it didn't work. :(

Ab iss me meri kya galti hai agar mai iss bhokmari aur gym me badan dukhane ki zindagi se behtar vada-pav, samoshe, chattar pattar, parathe with butter prefer karta hoo to?..

Aur subah utha ke kisi park ke gol-gol ghoomne se jayada, ek ghanta aur soo kar sapne dekh kar, aur fir utha kar aaloo ke butter wale parathe khaa kar zinda rehne ka sochta hoo..


Pata hai aap sab sochoge iski tummy ke jaisi iski akal bhi moti lagti hai..hai na?..Par I promise I will try to reduce my tummy..sacchi me I promise..gol-gappa promise ;-)

Khus raho aabaad raho, Mumbai raho ya faridabad raho!..

-K Himaanshu Shukla..
Copyright © 2010 - ScrutinyByKHimaanshu  

0 comments:

Post a Comment

top